قصاصات قديمه

اذهب الى الأسفل

قصاصات قديمه

مُساهمة من طرف ابو بصائر في الإثنين نوفمبر 03, 2008 12:09 pm



من ظلام الليـل جاءت
ومن فوق الجبـال هلت
وعلى بلدتي أيضاً اطلت
حـــورية حســناء
أضــاءت دروب الكون
وحركت الصمت والسكون
واثارت بدواخــلي شجون
كتمتــها بعنـــاء
سحرتني بكل ما فيـها
واحسست بما يشدني إليها
ولاح لي فى ظلام عينــيها
بريــــق وصـــفاء
ناجاها قلبي بـهمـس
واهديتها روحي ونفسي
لكنها لم تســمع حسي
برغـــــم النــداء
لاجلها روحي ألمتني
ليتها يوماً كلـمتني
إلا انـهــا علمتني
الصــبر والدعـــاء
والشهور تمضي سراع
ودون ان تحمـل متاع
حانت لـحظات الوداع
فذهـــب الهنـــاء
وبعدها احسست بالعناء
واتاني زمهرير الشـتاء
ولما اصاب جواني من داء
فهــــي الــدواء
ورغم انك هجرتيني
وبصمتك ورحيلك قتلتيني
فلو طال العمــر ستجديني
حافـــظاً للوفــــاء
رحماك بعطفك علي جودي
وكفى فى جــفاك لاتهودي
ولاجلي اصـفحي وإلي عودي
هـــذا رجـــــاء
لرؤياك زادت لهفتي
فانت حلمي وانت بهجتي
ومبعث سـروري وضحكتي
وواحـــتي الخضـــراء
اشتقت إليك يا نجم السماء
ولوجهك وعيونه السـوداء
ولذلك الادب الموشى بالحيـاء
فمـــتى اللقــــاء؟

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:11 pm

قررت الرحيــل فيك بلادي
وحيد انا والامــــل زادي
وحــملت معي عدتي وعتادي
وقلــمي وبحـــر من مداد
لأكتب عن ســـحر البوادي
والليــل داجن والجـو هادي
ودعت اهلي وامتطيت جـوادي
الركب وحــدي وانا الحادي
فوصـــلت يوماً قرب وادي
فراعني صـــوت شيخ ينادي
بني انت لاتدخـــل ذا الوادي
فالـجوع قد قتل المروءة والمبادي
ولجــرعة ماء او حفنة من زاد
تراق روحـك بين آلاف الايادي
ورغم كبريائي انا وشـدة عنادي
حُرمت الدخـول لجزء من بلادي
* * *
لكزت جــوادي ليطوي السراب
جنوباً حيث العشــيقة والاحباب
فكان حصادي سـهر لليالي وعذاب
الرياض الوارفة ذي صـارت يباب
وبـدل الكنـاري ينعق فيها الغراب
دوي صـوت الهاون بشائر الترحاب
موت وهتـك اعراض دونما حساب
رأيت الفقير الجائع والشخص المصاب
يبيعون للمـــارة علناً سيوف وحراب
فنويت العــودة لأحرر لاميرنا خطاب
فإن لم اسـتطيع فمعزوفة فى وتر الرباب
يا بعيـــد مننا وقصرك فوق السحاب
يا راقـد فى الحرير وعينك ملاها ضباب
الدنيا زائلة وفي الاخرة راجيك الحساب

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:13 pm


من كم ســنة
وفي كل ربوعك يا بلادي
لا طفل ابتسم لا غنى شادي
وبعد كل حين
في سماك يرن صوت المنادي
تعالوا يا ناس
البلد محتاج قيادي
وشب الولد وقال
اسمعوا يا ولادي
انا بمالي ونفسي
وروحي وجسدي افديها بلادي
وفي حل همومك
يا بلد يبدأها جادي
ونظن تمام انو
الخلاص على يديهو غادي
بس كم سنه
ويطلع ذاتو سادي
وفي لحظة
تلقى طاح بيهو العباد
وهل من جديد
في سماك صوت المنادي
وكالعادة طبعاً
البلد محتاج قيادي
وده المعذب ضميري
وحارق روحي وفؤادي
واصرخ
بكل صوتي
في الحواضر والبوادي
وتصرخ معي روح اجدادي
اين الشهامة؟
أين المروءة ؟
اين المبادي؟
ويا الجموع
هوووووووي
البلد ليكم تنادي
تعبت خلاص مدو لها الايادي
قبل ان تسقط ويدهسها الاعادي

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:15 pm


يا اموره لو شايفانا جهلة شحاتين يبقى العدســة مكسورة
نحمـــد المولى الكريم متعلمين ومتواضعين والحالة مستورة
خسـارة من عمرك سنين ماسكة القلم بتحاكي في الطبشورة
مادرسـوك علوم الريده ولا فهموك اسرارها البين سطورها
لا العلم لا المال لا قرب المكان، ماهن قواعدها ودسـتورها
بذكر بقــــول فوائد العلم والمال يا اخوانا ما منكوره
بس ما نربطهم بي مشــاعر الريد عشان ما نشوه الصورة
لو كان الريد بس بالقراية مين وراهــو للعصـــفورة
ما شــالت الكراس ما قرت الكتب ما عرفت السـبورة
ولو بالمظاهر والجمال ما نال ود عجيب النظرة من زرزورة
واكيد لو بالقـروش والمــال كان سموهو تجارة يا مغرورة

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:16 pm

يا رسول الشوق .. تعال جيب لى اشواق من زولي البريدو
صابر على هجرو .. مساهر ليلي بى لوعة .. في انتظار بريدو
بحلم بي خطاب .. مليان مشاعر .. مخطوط برسم ايدو
اضمه على جوانحي بكل افتتان ..وكم مره اقراهو واعيدو
ده الساميات خصاله .. كلما يزيد دلاله.. انا من اشواقي ازيدو
وبي اخلاص وامان .. بهواه جد.. ومناي اكون نديدو
يقاسمني فى هناي.. يزغرد لي ويفرح.. واضوق شهدو ونضيدو
يقاسمني فى عناي.. يرطب لي صخري.. واخضر ليهو بيدو

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:18 pm

الناس ينظرون دوماً للامام
وليس للماضي لديهم مقام
ولكني لا استطيع عنه انفصام
بل اقدسه بكل جلال واحترام
رغم ما فيه من عتاب لي وملام
وجروح تشفى بعد وآلام
ساعود للوراء ثلاثة عشر عام
ينقصها شهر وقليل من الايام
كان العلم عندى كل الاهتمام
وما سواه ضياع وقت واوهام
حتى اُصبت باحد السهام
او ربما نصل سيف حسام
وبه سجل العشق اقتحام
لقلبي فاختل ذاك النظام
واصبح الحب مُصدر الاحكام
وزال عني الصمود والاحجام
وافلت من بين يدي الزمام
وصرت من مكاليم الغرام
ومعها لم اكن على انسجام
ولم يكن بيننا حديث او كلام
كل ما بيننا عند اللقاء سلام
ووجد على الورق تخطه الاقلام
وبالتحديد فى شهر الصيام
اعترى ما بيننا ضباب وغمام
دخل بيننا الحسود واللئام
فجعلوني على السازجين امام
ويقولون عني شجاع وهمام
ورغم ذلك لم يتركوني إلا حطام
ذلك بانهم جعلو البدء ختام
وحكموا على حلمي بالاعدام
فطار محبوبي مع الحمام
واعياني البحث وفارقني المنام
بحثت عنه فى كل مقام
وبين الناس وفي الزحام
فيا حبيب اهديك السلام
وكفاك جفا هذا حرام

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:19 pm

صحيـح يا إنتِ حبيتك لكنك مافهمتي ايه قصـدي
جـاري وراك هايم وحـافي فاقـد ديمه لى رشـدي
مِـلملم قلبي من اطرافه عشـان يا حلوه ليك اهدي
وكل ما تشوفيني ماشي عليك تزيدي السرعه مابتهدي
دائماً لي صاده وراده وكم سلاح؟ جربتيه بس ضـدي
وابكي ليكِ واشـكي واتوسل وكله معاك ما يجـدي؟
يا ريت الدنيـا تقع تتشقلب وبدل ما كنتي بتصـدي
تجـري وراي سـنين طويله وتتـعبـي لما تتهــدي
تسـاهري الليل عشـان حبي تحسـبي نجومو وتعِـدي
تحسـي الدنيـا ظالمـاكِ تلاقي صــعاب وتتحـدي
تشـوفي الويل تلاقي الهم تعيشـي الوحده فى بُعـدي
ترسـلي لي الف خــطاب وما بتشـوفي يـوم ردي
تتــعذبي وتتـــألمي وتتمســكني وتتــوددي
وتقولي كـفايه ارحــمني خلاص صبري فات حدي
واطنش منك اتناسـى واقول ليك العـذاب فـردي
وتحلــمي يـوم تجيــنا وتطـلبي من ابوي يـدي
ويقول ليـك ولـدي دايـر يقـرأ وليك ما بنـدي
يا ريت الدنيـا تتشـقلب ولو بعد دفني في لحــدي
عشـان ما تعرفي يا حـلوه صـدك اثاره كيف عندي
دنيـا دنيـا وياهـا حالـهـا من زمـن ابو جِـدي
تتبســم للهبيـل إلا الـحريف المثلي ما بتــدي
إلا الحريف المثلي ما بتدي .. إلا الحريف المثلي ما بتدي

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:20 pm


ليك يا خليفه ..
ولى كل زول حنين ..
وقليبو صــــافي
اصلو الحكايه كانت ..
آمـــال عريييييييضه ..
مربوطه بى حلماً خرافي
فارس احلام ..
يحلق بى بعييييد ..
يعلن هناك ..
حفلة زفــافي
ولمن صحيت لقيت ..
واقــع الحقيقة كان ..
بالجــد منافي
لقيت حالى ذي ..
كومر حكومة ..
ماشي بى زيت المصافي
ذي فريق ..
مهزوم بى تلاته ..
والكوره فى الزمن الإضافي
رجليني مديتم بإرتياح ..
بس يا خســارة ..
طلعو اقصر من لحــافي
وسفن الخداع ..
معروف بتغرق ..
ما بتوصل للمرافئ
بس جرعــة ..
من ترياق تجارب ..
اجدى من كل المشافي
بالامس القريب ..
أوضحت له نثراً ..
واليوم اكرر بالقوافي
إشــرب ..
لو مشتاق لى نشوه ..
بس أكيد ما من سلافي
أنا في نعيمك ..
قد زهدت ..
وعن دنياك ..
اعلنت إنصرافي
وحتى لو ..
وسطتا روحنا ..
طريقة تب ..
للرجعـة مــــافي

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصاصات قديمه

مُساهمة من طرف ابو بصائر في الإثنين نوفمبر 03, 2008 12:21 pm

إليك انتِ ..
يا لوحه زهريه ..
يا قليب حنيييين ..
مجبول على وتر النغم
قاصد حِماك ..
شايل أمــل ..
(ياريت ماتحطميهو) ..
اسـعِديني وقـولي تم
تؤام روحي جاك ..
كان نيتو التلاقي ..
وبي خــافي الامور ..
ما كان والله بِعـلم
جاكِ كايس ..
لي اجـر التصافي ..
لو الكـريم آراد ..
ولي زهور الريده قسم
ربي يغفــر ..
للغشاهو ..وظلمو ..
بس حكمك انتِ ..
كان برضـو أظلـم
خاطرو الكسير ..
سطر ليك حروف ..
بي يراع حــزين ..
نقشات مدادو دم
آمس القريب ..
قلبي البعزكم ..
المليان هِمـوم ..
ذاتو زودتوهو غم
وعن تـومـي ..
تاني بقولهــا ليك ..
ماهو رافض طلتك ..
لكنو حاسس بالندم
ومع إنو اخوك ..
واخو البنــات ..
كلام زول أكيـد ..
لاطيف خيال لا من عدم
ببساطه آلمتيهو ..
وحتي إحساس الاخوه ..
يا غاليه انكـرتيـهو ..
والله ما كان العشـم
ولو بالجــد ..
دي الاخوه عندكم ..
إن شاء الله ذاتنــا ..
لا نتأخى لا نتلاقى لا نتلم

ابو بصائر

عدد الرسائل : 16
تاريخ التسجيل : 22/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى